He mea hirahira te mōhio ki tēnei ahuatanga te mānu. He uaua kia mānu te tangata mo te wā roa. Tokomaha ngā tāngata kua hinga ki te wai, ā, kua toromi, kua aitua.
Ko te whāinga matua o tēnei kowae, kia mārama ngā tamariki ki ngā tikanga mānu. Ka whakamahi hoki i ngā taputapu o te kāinga, ā ka huri hei taputapu whakamānu.
Ka whakawhiti kōrero, ka whakaraupapa kōrero hei whakatutuki kaupapa.
Ā-tā
Ka aro atu ki te pūtake o te whakaaro o te kaituhituhi.
Rautaki Reo
Ā-tā
Ka whakatū rautaki ki te rapu, ki te whai hoki i te kiko o ngā kupu. Tikanga-ā-iwi (2)
Ka whakaatu ā reo, ā tinana, ā tuhituhi rānei i te hononga o te tangata me te taiao.
Hangarau
Ka whakamārama i ngā tikanga o te whakamahi taputapu.
Hauora (2) Haumarutanga Ka whakaatu i ngā pūnaha haumaru i roto i ngā horopaki huhua.
Nā te haumaru o te akomanga, nā ngā kaupapa pū nō te āo Māori hei tuāpapa ako, ka hīkākā katoa te tauira kia tahuri mai ki te ako.
1.7 - E tapu te tinana o te tangata. He mahi nui te whakaako tamariki ki ngā hua o te tiaki tinana, kia tupu ai tōna hauora. Me mōhio ngā tamariki ki ngā kai pai, ki ngā kai kino, ki ngā painga o te korikori tinana, o te mirimiri tinana, o ngā rongoā o Tāne Whakapiripiri.
E tū poho kereru ana te ākonga ki tōna ake whānau, hapū, iwi hoki. Ka mohio te ākonga ki tōna whakapapa me tōna pepehā. Ka whai wāhi hoki ki iwi kē atu, ki ngā iwi taketake hoki o tāwāhi.
4.2 - Kia kaua te ākonga e herea ki te ao kohatu. Me wātea hoki ia ki te kapo mai i ngā painga, i ngā māramatanga katoa o te ao whānui.
5.3 - Me ngana te ākonga ki te ako. Ka tino rata te ākonga ki te noho tahi me tētahi pakeke hei āwhina nui, hei toka tū moana i roto i ngā mahi.
Ngā kōrero tawhito me ngā pūrākau o ngā iwi katoa.
Ka ako:
Ka tāea e ngā ākonga te:
Te pātai/Uiuinga - He aha ngā rautaki whakaora o ngā mātua tūpuna ki ngā wai?
1. Ngā mōhioranga katoa. Te whakatakoto i ngā whakaaro o ngā tamariki
Mā te māhere ka tirohia ki te tawhiti o te kauhoe a Rauhoto, a Hinepoupou raini. Me whakawhiti kōrero.
He wāhi kōrero mō ngā momo kauhoe whai oranga pēnei i te:
Whakamahia te ipurangi nei kia mātakitaki i ētahi rīpene ataata me te whakamahi i ētahi ngohe mā ngā tamariki. (He reo pākeha te reo) https://www.watersafe.org.nz/topic/survival-strokes-2/
https://www.watersafe.org.nz/topic/survival-strokes-2/
Pātai: He aha ngā rauemi mānu o ngā mātua tūpuna? He aha ngā rauemi mānu o nāianei hei whakamahinga mā tātou?
Mā te kaiako te pūrākau a Hinemoa rāua ko Tutanekai e kōrero atu ki te akomanga.
https://whakarewarewa.com/how-hinemoas-unrelenting-love-for-tutanekai-conquered-all/
Hei tauira: ngā momo kirihou rerekē, ngā rākau, te hā ora (ngā momo taputapu ka whakarahi ake, ka māro hoki i te hā, te hau raini), ngā papanga rerekē, rapa, PVC, kapok.
Kia tokowhā ngā tamariki ki ia rōpū. Kei ia rōpū tētahi pākete kua whakakiia ki te wai. Mā te Kaiako ngā momo papanga, rauemi raini e tuku ki ngā rōpū. Ka whakamātauhia mehemea ka mānu ngā rauemi mo te kotahi mēneti. (rākau,kirihou, pātara kirihou, rimurimu, papanga kākahu me ētahi atu). I mua atu i te whakamātau, me tuhi ngā tamariki i o rātou whakapae - Ka mānu, ka totohu raini? I ngā mahi whakamātau, tuhia ngā hua ka puta. Hei te mutunga o te whakamātau, tirohia ngā rerekētanga ki ngā whakapae o mua.
Ka whakawhitiwhiti kōrero ngā tamariki i ngā rauemi me ngā āhuatanga pai mo te mānu.
Ka tuku ki ia tokorua ētahi rauemi (te rākau, ngā pātara kirihou, kāhu kautere, kahu ruku, ngā papanga rerekē) kia whakamātauhia i te pai o te mānu. Ka tuhituhi ngā tamariki i ngā rauemi pai mo te mānu.
https://www.watersafe.org.nz/topic/survival-strokes-2/
